A pasada noite deron comezo as Santas Tapas con moi bo ambente nos locais participantes. Falamos con Tapería O Lar, Cafetería Andalucía, O Novo Paseo, Cafetería Mimela, Mesón A Vila e Bar Scala que nos contaron en que consisten as súas tapas e Pan de Cerdedo amosounos en que consiste o seu Minicóctel, unha das novidades nesta edición das Santas Tapas.
Como vedes a variedade e orixinalidade non faltan nesta nova edición. Non volas perdades e recordade cubrir o cartón cós selos dos locais que visitedes para participar no concurso dos numerosos agasallos, e se as probades todas no sorteo do premio gordo, 650€
Ademais recordade que presentando o cartón selado con tan só un local dispoñedes de entradas gratis no cine da vila durante toda a Semana Santa, por cada entrada que compredes recibiredes outra de balde.
Deixámosvos a continuación unha galería con todas as tapas que participan no concurso.