O grupo de música e baile tradicional Tequexetéldere xunto co Concello da Estrada poñen, outro ano máis, en marcha a iniciativa de dar clases de baile tradicional nos colexios da Estrada.
Xa se levamos tres anos dando clases nos IES da Estrada, e este ano ampliamos este proxecto aos CEIPs Pérez Vióndi e Figueiroa.
Durante o mes de outubro nas clases de educación física os/as nenos/as destos dous centros da Estrada coñecerán o baile tradicional galego.
Con este proxecto de baile tradicional galego o que se pretende non so é que os rapaces e rapazas dos coles da Estrada, coñezan a cultura tradicional galega senón tamén a importancia que ten dentro da súa evolución tanto a nivel psicomotor como a nivel psicoevolutivo.
O enfoque que se pretende dar a este traballo e didáctico e pedagóxico.
*2. Metodoloxía.*
A metodoloxía que utilizaremos, e partir sempre dos coñecementos previos que ten o alumnado para que todo aquelo que se vai ensinando teña un sentido e unha comprensión por parte do alumnado.
Coa aprendizaxe do baile tradicional o que fomentamos no alumnado é:
– Coñecemento corporal.
– Equilibrio.
– Lateralidade.
– Segmentación corporal.
– Coordinación e control postural
– Automatización de movementos.
– Coordinación oculo-espacial.
– Espacio auditivo.
– Creatividade.
Todo isto conseguirase a través dunha serie de pasos-estructuras ( un,dous, tres sen cruzar os pés, picados por diante e detrás, adiante-atrás……) que iremos traballando ao longo dos talleres.
O fin último é que o alumnado aprenda a crear os seus propios puntos e entenda o que está a facer co seu corpo.
Temos que partir da base que o baile tradicional galego é un baile que se baila en parella e en grupo polo tanto tamén se vai traballar o compañerismo, o respecto, a solidariedade, a convivencia… digamos que van ter que estar perfectamente compenetrados para poder facer os bailes e que uns dependen de outros para levalos a cabo.
*2. Obxectivos a traballar*
– Coñecer o seu propio corpo.
– Escoitar o ritmo.
– Afianzar e traballar o equilibrio, automatización de movementos,
creatividade.
– Traballar a lateralidade, equilibrio, control e coordinación corporal e
oculo-espacial, espacio auditivo.
– Aprender a manexar os movementos dos pes.
– Comprender os movementos que se realizan.
– Coñecer e investigar sobre a cultura popular galega
– Aprendemos un, dous, tres, sen cruzar e cruzado.( picado por diante e por detrás)
– Aprendemos salto, abaixo, arriba sen cruzar e cruzado por diante e atrás (adiante-atrás)
– Facemos os movementos cos brazos arriba.
– Bailamos en grupo.
– Aprendemos as diferentes estructuras dos bailes (fila, roda, fila movida nos espacio, peche de rodas, apertura de rodas)
– Creamos os nosos propios puntos, e baile.
– Coñecemos a cultura popular galega.
*4. Temporalización.*
As sesións constarán aproximadamente dunha hora, que se desenvolverán ao longo de dous meses.