Dende o Servizo de Emprego e Desenvolvemento Local da Fundación Cultural da Estrada informamos que está aberto o prazo para inscribirse no procedemento de acreditación e recoñecemento das competencias profesionais adquiridas a través da experiencia profesional ou de vías non formais de formación. Hai prazas en unidades de competencia das seguintes cualificacións profesionais:
- Atención sociosanitaria a persoas no domicilio
- Atención sociosanitaria a persoas dependentes en institucións sociais
- Servizos para o control de pragas
- Xestión de servizos para o control de organismos nocivos
- Socorrismo en espazos acuáticos naturais
- Socorrismo en instalacións acuáticas
- Extinción de incendios e salvamento
- Confección e mantemento de artes e aparello
- Aproveitamentos forestais
- Tanatopraxia
- Administración e xestión
- Agraria
- Edificación e obra civil
- Electricidade e electrónica
- Fabricación mecánica
- Hostalaría e Turismo
- Imaxe persoal
- Industrias alimentarias
- Informática e comunicacións
- Instalación e mantemento
- Madeira, moble e cortiza
- Química
- Sanidade
- Servizos socioculturais e á comunidade
- Transporte e mantemento de vehículos
Para facilitar a inscrición nestes procedementos a Fundación Cultural habilitará a aula da segunda planta do Edificio de Usos Múltiples do Concello de A Estrada,sito na Avenida Benito Vigo, nº 94, os días 26, 27, 28 e 29 de xaneiro de 2016.
Calquera información e orientación necesaria para aquelas persoas que queiran participar no procedemento será proporcionada polo Servizo de Emprego e Desenvolvemento Local da Fundación Cultural da Estrada no teléfono 986570997.
