O pasado xoves vimos de reunirnos os compañeiros e compañeiras do BNG das comarcas de Pontevedra e da Estrada co fin de manter unha xuntanza de traballo na que avaliar o proceso fusión de Cerdedo-Cotobade aberto polos dous alcaldes do Partido Popular.
Este proceso de Fusión non aborda o conxunto dos problemas cos hoxe conta a poboación do rural galego e menos aínda os veciños e veciñas dos concellos de Cerdedo e Cotobade.
Ambos os dous concellos caracterízanse por ter unha poboación moi envelledida e cun cremente vexetarivo negativo, por ter un importante déficit de servizos públicos e unha capacidade económica endeble e, finalmente, por contar cun importante número de persoas desempregadas.
Pero a solución aos problemas demográficos, de desemprego ou de despoboamento é de carácter nacional e non local. Está nas mans naquelas administracións que teñen competencias e ferramentas para facelo, en concreto da Xunta de Galiza e o goberno do Estado. Un goberno este último que mantén, por certo, un sistema de financiamento local que discrimina clara e notoriamente aos concellos galegos, dispersos e envellecidos, ante
o silencio cómplice do PP galego.
Para manter a poboación no rural son básicos unha boa prestación de servizos públicos: sanidade, ensino, servizos sociais,… Garantir estes servizos é competencia da Xunta de Galiza, non dun concello de cinco, seis ou dez mil habitantes.
O BNG aprecia unha clara intención por parte do Partido Popular de trasladarlle o peso do problema aos concellos, fuxindo da propia responsabilidade que ten a administración galega. Isto chámase deixación de funcións por parte do Partido Popular.
En conclusión, o BNG das comarcas de Pontevedra e da Estrada manifestámonos radicalmente en contra da Fusión Cerdedo-Cotobade ao entender que os
argumentos dos lcaldes do PP caen polo seu propio peso e responden máis ben aos intereses e a amizade que públicamente declaran os señores Cubela e Balseiros, e anuncia que presentará alegacións contra esta fusión.
BNG de A Estrada