A Secretaría Xeral de Política Lingüística anuncia, con carácter voluntario e gratuíto, a convocatoria de cursos de lingua galega preparatorios das probas para obter os certificados de lingua galega Celga 2, Celga 3 e Celga 4.
Estos cursos, preparatorios para os certificados de lingua galega (Celga) poderán ser solicitados por todas as persoas maiores de dezaseis anos, ou por aquelas que os fagan no ano natural da convocatoria.
O prazo para a presentación das solicitudes será do 17 de xuño de 2016 ao 16 de xullo de 2016, ambos os dous incluídos.
Se un curso ten un número de solicitantes maior que o número de prazas dispoñibles, a asignación farase por orde de entrada. No caso de que entren varias solicitudes ao mesmo tempo, utilizarase o criterio da orde alfabética (do A ao Z).
No Concello de A Estrada, o curso impartirase no IES Antón Losada Diéguez, Rúa da Cultura s/n, do 12 de setembro de 2016 ata o 2 de novembro de 2016 en horario de 19:00 a 21:30 horas de luns a xoves.
Toda a información referente a solicitude e prazos de inscrición, requisitos, documentación necesaria , asignación de prazas, fases do procedemento , etc… atópase no DOG nº 114 do xoves 16 de xuño de 2016.
AEDL A Estrada
