Os elementos de xogo retirados da Alameda terán unha segunda vida noutros emprazamentos

Os elementos de xogo retirados tralo inicio das obras da Alameda, susceptibles de ser restaurados, instalaranse noutros lugares, así como a Praza do Mercado, no entorno da feira ou da nova gardaría, segundo informou hoxe o alcalde da Estrada, José López Campos.

Os xoguetes desmontados atópanse actualmente en Guimarei, onde esperarán a seren restaurados para, a continuación, instalarse nos novos emprazamentos. A zona da Praza do Mercado é unha opción viable para eles, aínda que non a única, onde existen peticións dos veciños que instan a instalar elementos deste tipo. Unha zona que está recuperando actividade e se atopa cada día máis concorrida, debido á proximidade do aparcamento e á diversidade de servizos nas proximidades.

Ademais da inclusión de elementos de xogo vaise traballar na praza na reposición de dúas columnas e unha travesa que forman parte da pérgola e colocar plantas de xeito que, xunto ás existentes, que haberá que podar e reconducir, subministren sombra á zona.

Compárteo!

Deja un comentario