O BNG critica a improvisación da Consellaría de Educación

Susana Camba, concelleira do BNG da Estrada, que reuniuse no día de onte co profesorado de FP, para coñecer de primeira man o alcance da supresión do ciclo de FP básica de Servizos Administrativos. 

A concelleira nacionalista explicou “que é inconcibíbel que o departamento de educación tome esta medida a estas alturas do curso a poucos días de rematar o prazo aberto para matricularse nos ciclos”. “Estes cambios de última hora”, critica a concelleira do BNG, “ten consecuencias para o alumnado, que xa estaba matriculado no ciclo de FP básica, mais tamén para o profesorado que terá que reformular as programacións, un proceso burocrático bastante complexo, para adaptalas aos novos ciclos impostos pola consellaría”.

“Desde o noso punto de vista”, indicou a concelleira do BNG, “a consellaría improvisa e actúa de xeito déspota e pouco transparente, pensan que na Estrada, como temos un alcalde submiso que non fai nada, somos uns simples súbditos e non nos queda outro remedio que obedecer”.

“Con todo”, engadiu a concelleira nacionalista, “pedimos ao goberno municipal do PP que debe implicarse coa comunidade educativa para deseñar unha oferta educativa acorde ao mercado de traballo actual, mais é evidente que isto non se pode facer no mes de xuño, hai que facelo con tempo para que os nosos mozos e mozas teñan unha oferta educativa que lles permita formarse e atopar un emprego no noso concello”.

— 

BNG da Estrada

Compárteo!

Deja un comentario