Corenta expositores reservaron xa espazo para asistir á 33ª Feira do Moble de Galicia

Un total de 40 firmas dos sectores do mobiliario, a decoración
e os complementos formalizaron xa a reserva de espazo para asistir á 33ª Feira do
Moble de Galicia, que se celebrará no recinto feiral da Estrada do 18 ao 22 de
setembro.
Entre as firmas da contorna que xa anunciaron a súa presenza figuran Artest,
Carpintería Rivas, Nattex A Estrada, Industrias J. Cerviño e Hermanos Picaño (todas
da Estrada), Carlos Seixas (Lalín) e Piscinas Míguez (Cuntis). A maiores, a Fundación
de Exposicións e Congresos agarda confirmar nos vindeiros días a participación
dalgún fabricante estradense máis.
En canto á participación foránea, destacan varias firmas de mobiliario portuguesas que
repiten trala última edición (Rocha´s Mobiliario, París Home e Muebles Portugueses
Loureiros) e tamén, no ámbito do menaxe e os complementos, expositores que
chegarán de Valladolid, Alicante, Toledo, Ciudad Real, Asturias e Bizkaia.
Sorteo do mobiliario dun apartamento
No ámbito da promoción, a Fundación de Exposicións e Congresos comezará a
intensificar nas vindeiras semanas as accións publicitarias e de comunicación, para
Contacto: 673 156 204 (Alberto J. Rey)
lembrar que o público asistente á feira poderá participar no sorteo do mobiliario dun
apartamento. Esta acción promocional conta coa colaboración da Asociación de
Fabricantes e Comerciantes de Mobles da Estrada. Ademais, tamén se sortearán
estancias en casas de turismo rural da contorna, en colaboración coa asociación Mar
de Compostela, e varias ceas, co patrocinio de O Asador de Leo.

Compárteo!

Deja un comentario