Caetano Fórmula Galicia, en colaboración con Acoe e o Concello da Estrada, destinará a Cáritas Parroquial unha campaña de recollida de alimentos imperecedoiros

 

Os días 20 e 23 de maio, na sala Abanca da Estrada, a empresa Caetano Fórmula Galicia, en colaboración co Concello da Estrada, e a asociación de empresarios locais (ACOE), organizará unha recollida de alimentos non perecedoiros, que se destinará, a través de Cáritas Parroquial, a familias estradenses en situación de necesidade social.

Unha campaña que, baixo o título de !TODOS JUNTOS SUMAMOS! pretende superar os 5.000 quilos de produtos alimentarios.

A iniciativa parte do estradense Manolo Gañete e da empresa Caetano Fórmula Galicia que, en colaboración cos colectivos arriba citados, intentan sumarse á loita contra as necesidades sociais que está a xerar a pandemia do coronavirus.

A historia desta empresa remóntase cincuenta anos atrás con Antomóviles Gestoso e Ibericar Gestoso para acabar converténdose actualmente en Caetano Fórmula Galicia, unha empresa multinacional que ten moi presente a súa orixe e o papel fundamental que xogou nesta comarca ao longo da súa historia.

Todas as persoas que desexen colaborar doando alimentos deberán dirixirse á sala Abanca en Rúa Calvo Sotelo 9 o mércores e o sábado da presente semana, entre as 10.00 h e as 13.30 h; e 17.00 h e 21.00 h, para realizar a pertinente doazón.

A cambio desta doazón, daráselles a todos os colaboradores unha máscara pantalla de protección fronte ao coronavirus.

 

Compárteo!

Deja una respuesta