Requián celebrou o seu día grande

Este venres o Santuario dos Milagres de Requián celebrou o seu día grande. Houbo misas durante todo o día coa novidade que este ano foron todas no exterior da capela motivado pola crise sanitaria, así como outras medidas polas que obtou a organización para favorecer o distanciamento social e a hixiene de mans; crearon un circuito seguro con unha única entrada nun lateral da carpa onde se realizaban as celebracións litúrxicas, esta conectaba coa porta grande da capela por onde se podía acceder á mesma para visitar a imaxe da Virxe, saíndo finalmente pola porta lateral. Dentro da carpa estaban á disposición dos fieis asentos debidamente distanciados para evitar aglomeracións, a todo esto uneuse a obligotariedade do uso de mascarilla, así como a disposición de dispensadores de xel desinfectante por todo o recinto.
Tamén contaron con seguridade privada para garantizar o cumprimento das normas sanitarias, que completaron a Garda Civil, Policia Local e Protección Civil de A Estrada.
Dende a organización preocupaba especialmente a desinfección dos aseos polo que este ano se contou cunha empresa de limpeza que contaba cun protocolo especial de desinfección.
Este sábado darase por rematada a Romería coa celebración dunha misa solembe ás 12:30 na honra a Virxe da Piedade, patroa da capela.
Durante o resto do ano haberá misas todos os domingos ás 20:00 no horario de verán e ás 18:00 horas no horario de inverno.