Dende mañá mesmo e ata o vindeiro día 20 ábrese o 2º prazo de matrícula para as escolas de Tequexetéldere dentro das súas modalidades de baile, gaita, pandeireta, percusión e acordeón.
As clases volven cun riguroso protocolo de seguridade en tódalas escolas e grupos que se fagan e o uso de xel hidroalcoholico e máscara será de uso obrigado nas clases, excepto nas seccións de gaita e de pandeireta, nesta última só se poderá sacar cando se vaia a cantar e haberá que manter as distancias de seguridade.
A matrícula poderase formalizar na web de Tequexetéldere no apartado de Escolas -> http://www.tequexeteldere.gal/
A día de hoxe, despois das matrícula de xuño, non experimentamos un descenso acentuado das matrículas con respecto a anos anteriores.
Todas as escolas de Tequexetéldere, así como o seu grupo oficial, leva parado dende o pasado 13 de marzo, unha decisión moi dificil que se decidiu tomar por responsabilidade devido a situación que se está a vivir.
Ao longo destes meses ata xuño, a agrupación estivo facendo algunhas actividades co alumnado máis cativo, como pintar algunhas láminas ou gravar algúns vídeos con puntos ou cantigas que ata o momento aprenderan.
O grupo oficial aprendeu 2 bailes novos dende a distancia, sendo publicados 2 vídeos un de baile e pandeireta no mes de xuño e outro fai cousa de 15 días de gaita.
*TEQUEXETÉLDERE* *CURSO 2020-2021*
Esta entrada fue publicada en Portada. Guarda el enlace permanente.