Abrimos, o principal!Outono 2020

As actuacións de Leilía, Xoque Carbajal e Quico Cadaval son algúns dos pratos fortes que A Estrada ofrecerá durante estes meses de outono con motivo do cliclo de exhibición cultural do Concello. O concelleiro de Cultura, Juan Constenla, presentou onte a programación cultural da vila, adaptada en todos os aspectos aos protocolos sanitarios para previr os contaxios do coronavirus. Advertiu, iso sí, que «calquera previsión que fagamos estará sempre supeditada a que a situación sanitaria nos permita levala a cabo».

Así, no apartado de música destaca a presenza da agrupación Leilía, que presentará o seu novo traballo o sábado 12 de decembro.

Tamén se ofrecerán os concertos de Santa Cecilia das Bandas Municipal e Cultural no mes de novembro e os da Coral Polifónica Estradense en outubro.

No eido teatral o Goberno local volve incidir na captación de público infantil e familiar «con espectáculos de gran formato e calidade». Serán ‘Nube nube sol’, ‘Mai mai’, ‘El inolvidable viaje de Nana’, ‘Viaje al centro del cuerpo humano’ y ‘Monstros no camiño’.Para adultos, en pouco máis de dúas semanas, a compañía Malasombra Producións de Xoque Carbajal estreará a peza ‘SOS’. O 30 de outubro, será a narradora oral Paula Carballeira a que celebrará a noite de Defuntos cunha contada de medo. O 27 de novembro serán Quico Cadaval e a compañía Producións Excéntricas as que poñan en escena unha comedia de Shakespeare titulada ‘Medida por medida’. O 11 de decembro, ButacaZero en coprodución co Centro Dramático Galego porá en escena a comedia xestual ‘Camiños’. E, por último, o 23 de outubro terá lugar o novo espectáculo da Escola Municipal de Artes Escénicas ‘Os males do tabaco’, unha peza adaptada e dirixida por Santiago Cortegoso, que interpreta Gonzalo Valcárcel e tres compoñentes do Obradoiro de Música Moderna Carlos Barruso.

En canto á danza, neste apartado, destacan o espectáculo ‘Pink Unicorns’ da compañía coruñesa La Macana, un dos grandes éxitos da última Feira de Artes Escénicas galega, e tamén ‘Catro’, o novo espectáculo de Caramuxo Teatro.

Constenla subliñou que todas as entradas poderán adquirirse anticipadamente no departamento de Cultura do Concello e que todos os detalles de cada evento publicaranse a partir de hoxe na app de Cultura da Estrada.

Compárteo!

Deja una respuesta