As obras para a construción da pista de atletismo
da Estrada darán comezo a vindeira semana

A empresa Construcciones Obras y Viales S.A (COVSA),
única firma que presentou a súa proposta para acometer os traballos, comezará a
vindeira semana coas obras construción da pista de atletismo da Estrada, adxudicadas
por un importe de 1.187.868 euros.
Durante a xornada de hoxe está previsto que finalicen as actuacións previas para o
acondicionamento do terreo de dúas hectáreas sobre o que se asentará a pista, logo de
que a firma Ivanca se encargase nos últimos meses da demolición da estrutura de
formigón que ocupaba o terreo e mais do seu recheo para conseguir que a parcela
estivese situada á mesma altura ca o campo de fútbol.
As actuacións que se iniciarán a vindeira semana inclúen a construción das pistas, de
176,91 metros de largo e 92,52 de ancho, compostas por oito rúas de 400 metros e
acabado sintético. Ademais, as instalacións contarán con zonas de salto con pértiga,
lanzamento de martelo e zonas de salto de lonxitude e triple, e incluirase un sistema de
regadío para o mantemento da pista.
O prazo de execución das obras será dun ano, aínda que se intentará rematalas en nove
meses para que estean finalizadas no mes de abril de 2023.

Esta entrada fue publicada en Portada. Guarda el enlace permanente.

Deja una respuesta