A ESTRADA INICIA O PROCESO PARA A CONSTRUCIÓN DUNHA NOVA PISTA DE ATLETISMO CO PLAN REACPON

A presidenta da Deputación, Carmela Silva, e o alcalde José López Campos asinaron o convenio para a creación da nova dotación deportiva, que ten un orzamento total de 1,3 millóns de euros

A Deputación de Pontevedra e o Concello da Estrada deron hoxe o primeiro paso para a construción da nova e esperada pista de atletismo na zona deportiva da vila, unha actuación que se desenvolverá nunha área de 25.000 metros cadrados e que permitirá ao municipio potenciar a súa oferta deportiva e organizar competicións de ámbito provincial e autonómico. A presidenta provincial, Carmela Silva, e o alcalde, José López Campos, asinaron hoxe o convenio para a execución destas obras, enmarcadas no Plan Provincial ReacPon e cuxo orzamento total ascende a 1,3 millóns de euros, dos que a Deputación achegará  858.000 €. O proxecto permitirá á veciñanza da Estrada recuperar para o uso público un espazo actualmente inutilizado que amais de incluír unha zona verde,  permitirá a través do novo equipamento consolidar esta práctica deportiva, de longa tradición na vila, e incrementar a súa oferta. Tanto a presidenta como o alcalde destacaron “este exemplo de colaboración institucional” ao que o propio López Campos engadiu que a Deputación “é un referente en xestión municipal”.

A presidenta, Carmela Silva, cualificou como “moi potente” este proxecto, que vén dar resposta a unha demanda da cidadanía para seguir a impulsar esta disciplina na Estrada e subliñou que “vai ser un exemplo na provincia e un instrumento para que no corto, medio e longo prazo sigamos a ser unha referencia no atletismo a nivel galego, nacional e internacional, algo que se non hai equipamentos non se pode lograr”. Carmela Silva puxo en valor as características da futura pista, “que vai permitir organizar competicións de ámbito provincial e galego e no futuro incluso de máis rango” e especialmente as que se refiren á eficiencia enerxética e sostibilidade, “algo que nas bases era un elemento fundamental, facer construcións sostibles que amais conectan coa Axenda 2030 e os fondos Next Generation”. Engadiu que amais a nova infraestrutura permitirá continuar “a historia de éxito que ten a provincia co atletismo”.

 

Lembrou que os grandes obxectivos do Plan ReacPon da Deputación son a posta en marcha dunha “política económica expansiva que permita facer fronte ás consecuencias da Covid-19 e promover actividade e xeración de emprego”, así como facilitar que os concellos de menor poboación poidan desenvolver grandes proxectos que cos seus propios recursos non poderían asumir, “sempre respectando a autonomía local”. Neste senso, a presidenta destacou que a tramitación deste plan por parte dos concellos ten demostrado a gran capacidade de xestión do mundo local:  “Creo que teñen que tomar nota o resto das administracións, tanto as autonómicas como o Goberno de Estado, de que o mundo local ten unha enorme capacidade de xestión que somos moi eficientes e eficaces –sinalou-. Por iso reclamo que temos que ter máis capacidade, máis competencias e máis recursos porque xestionamos moi ben”.

 

Pola súa banda, o alcalde José López Campos subscribiu as palabras da presidenta ao afirmar que os concellos son “unha administración madura e eficiente” e, engadiu, “temos que ser intelixentes na xestión dos fondos públicos en beneficio da veciñanza e no caso da Estrada a coordinación coa Deputación é un exemplo de ser intelixente e facer as cousas con sentido común”. Deste xeito, puxo o aceno na “importancia que ten a colaboración entre as administracións” e nomeou á Deputación como “un referente na xestión municipal”. En palabras do alcalde estas pistas son “un proxecto ilusionante e a consecución dun compromiso longamente demandado e eu teño que agradecer á Deputación a súa implicación”. Esta era unha “infraestrutura altamente demandada polas máis de 400 nenas e nenos que practican o atletismo no noso concello” e por iso “no momento de anunciar estes fondos extraordinarios vimos claro que o noso proxecto era a construción desta nova instalación deportiva”. José Carlos López tamén puxo en valor o deporte e os seus valores “como unha ferramenta de convivencia” e falou da relación que teñen os eventos deportivos coa atracción turística.

 

O proxecto

A pista de atletismo estará rodeada dunha zona verde contará con 8 rúas de 400 metros e acabado sintético e con zonas de salto de lonxitude e triplo, salto con pértega, lanzamento de disco e martelo e xavelina. As actuacións tamén comprenden a instalación dun sistema de drenaxe tanto para a zona de herba natural como para o anel de atletismo e a dotación de sistemas eficientes de uso e reutilización de auga e enerxía.  

 O Plan da Deputación ReacPon, dotado con 26,3 millóns de euros, beneficiará a 47 concellos da provincia de menos de 50.000 habitantes. Contou con bases esixentes e criterios obxectivos, aberto a proxectos maduros que contribúan a unha economía descarbonizada e á consecución dos obxectivos fixados na Axenda 2030 e nos fondos europeos. O programa suporá nestes concellos, ao longo do próximo ano e medio, a execución de ata 25 actuacións de mobilidade segura, tres novas bibliotecas, cinco reformas de casas consistoriais, cinco reformas de espazos culturais, a ampliación ecolóxica dun cemiterio, e oito novas infraestruturas deportivas.

Publicado en Portada | Deja un comentario

ROMÁN RODRÍGUEZ ANUNCIA UN INVESTIMENTO DE 2M€ PARA A AMPLIACIÓN DOS TALLERES DE FP DO INSTITUTO ANTÓN LOSADA DIÉGUEZ DA ESTRADA

O conselleiro de Cultura, Educación e Universidade, Román Rodríguez, anunciou hoxe un investimento de 2M€ para ampliar o instituto IES Plurilingüe Antón Losada Diéguez, na Estrada. Unha actuación que, tal e como explicou, “dá resposta a unha vella demanda do centro” e permitirá contar cos espazos necesarios para o axeitado desenvolvemento dos ciclos de Madeira, Moble e Cortiza.

 

A  Consellería de Cultura, Educación e Universidade a Fundación de Exposicións e Congresos da Estrada colaboran desde hai anos, de tal forma que parte da formación destes ciclos se viña desenvolvendo nas instalacións desta Fundación ata o ano pasado. A este respecto, o conselleiro sinalou que a reforma dos talleres realizada recentemente e esta ampliación van permitir que o alumnado de Formación Profesional dispoña dos espazos necesarios para completar a súa formación no propio instituto, o que supón un salto de calidade moi importante, ademais de dar resposta a unha demanda histórica do centro.

 

A este respecto reafirmou o compromiso do Goberno galego coa FP e, especialmente, coa súa conexión co entorno. Neste sentido, afirmou que os ciclos da familia profesional da Madeira son “tremendamente importantes na Estrada, xa que están moi vencellados coa economía local e a estrutura produtiva local” e destacou a súa capacidade para formar profesionais “que doten de capacidade de innovación e de medrar ás empresas do sector do moble”. “Isto é bo para alumno, para os sectores produtivos e para o territorio onde se ubica a FP”, destacou.

O proxecto está nestes momentos en fase de redacción. A previsión é licitalo en abril e adxudicar as obras, que terían un prazo de execución de arredor de seis meses, durante o verán de 2022. “O obxectivo é poder empezar a empregalo en 2023”, indicou Román Rodríguez.

 

Novo edificio

A ampliación do centro realizarase mediante a construción dun edificio destinado a taller para os devanditos ciclos. A nova edificación situarase nunha das pistas deportivas existentes, fronte ao edificio do ximnasio, e será  “un edificio onde a madeira vai estar moi presente en cuestión estruturais”, explicou o conselleiro, así como “adaptado ao Plan de Nova Arquitectura Pedagóxica”.

 

Contará cunha superficie útil de 1.270 m², que se distribuirán en dous andares. Na planta baixa situaranse as aulas polivalente e técnica, os vestiarios e o cuarto de limpeza e instalacións. Na alta, o almacén, a sala de profesores e os talleres de Carpintería e moble, de Mecanizado, e de Montaxe, Instalación e acabamento

 

Esta actuación súmase á reforma dos talleres para estes ciclos acometida no instituto Antón Losada Diéguez no ano 2020, que supuxo un investimento de máis de 220.000€.

Publicado en Portada | Deja un comentario

PUNTOS TEST DE ANTÍXENOS SEN CITA Área Sanitaria se Santiago de Compostela e Barbanza

A partires do LUNS 10 de Xaneiro, a Área Sanitaria de Santiago de Compostela e Barbanza incrementa e descentraliza a súa capacidade diagnóstica e instala 4 novos puntos para realizar autotest de antíxenos con saliva nos concellos de:

✅

 A Estrada

✅

 Lalín

✅

 Melide

✅

 Noia

‼️
‼️

EXCLUSIVAMENTE PERSOAS SEN SÍNTOMAS 

‼️
‼️

A ESTRADA

📌

Fundación de Exposicións e Congresos de A Estrada

https://goo.gl/maps/EY6XXVe3QR5yHAxb6
⌚

11,30h – 18,00h

LALÍN

📌

 Lalín Arena

https://goo.gl/maps/HJ1P4VJo9jWNGTEd7
⌚

11,30h – 18,00h

MELIDE

📌

Antigo Centro de Saúde

https://goo.gl/maps/GuUBhPB88upKyBqE7
⌚

11,30h – 18,00h

NOIA

📌

Local da Cruz Vermella. A Chainza s/n

https://goo.gl/maps/fGpkhkHc6q7193bE6
⌚

11,30h – 18,00h

Estes dispositivos véñense sumar aos xa existentes:

🏥

Hospital da Barbanza. Ribeira

⌚

15.30 a 20.00 horas. *Autocitación.
https://coronavirus.sergas.gal/cribado/

🛬

 Aeroporto Rosalía de Castro.

⌚

 De 9.00 a 21.30 horas. *Só usuarios

🚆

 Estación intermodal de Santiago de Compostela

⌚

 9.00 a 21.30 horas.
*Só usuarios.

👩🏻‍🎓

Auditorio Vidal Bolaño. Campus universitario Santiago de Compostela

⌚

 14.00 a 20.00 horas.

‼️

NON acudas a estes puntos de autotest se:

⛔

 Tes síntomas compatibles con COVID-19

⛔

 Tiveches COVID-19 nos últimos 180 días 

‼️
❌

 Este test NON xera certificado

Publicado en Portada | Deja un comentario

O escritor Xosé Lueiro e a ilustradora Sara Valcárcel visitan o Recreo Cultural



O Recreo Cultural da Estrada acolleu este luns un acto para toda a familia. O escritor estradense Xosé Lueiro, en compañía da ilustradora local Sara Valcárcel, achegou aos máis pequenos da vila as historias de Fazulas, O ladrón de paraugas. No acto, que tiña un aforo reducido en cumprimento da normativa COVID, e ao que só se podía acceder previa reserva, realizouse unha lectura dramatizada da historia. Ademais, coa participación de diferentes membros do Obradoiro de Música Moderna Carlos Barruso e a interpretación do propio Lueiro, os asistentes tamén puideron gozar de música en directo.
Publicado en Portada | Deja un comentario

Os Reis Magos fixeron parada segura na Estrada

A Covid non impedíu ós nenos e nenas da Estrada disfrutar da tarde máis máxica do ano. Unha organizada cabalgata estática no Teatro Principal fixo posible que os cativos e cativas visen e saudasen, coa prudencial distancia, ás Súas Maxestades. Moitos dos e das pequenas aproveitaron a súa presencia para depositar as súas cartas nun buzón instalado para a ocasión, misivas das que tomaron boa nota os de Oriente, facendo os desexos realidade ó longo dunha atarefada noite.

Publicado en Portada | Deja un comentario

A recepción dos Reis Magos terá lugar no Teatro Principal

 

 

As inclemencias meteorolóxicas previstas para mañá mércores, provocan que a
recepción real que, en principio, ía ter lugar na praza do Concello, se translade ao
Teatro Principal, entre as 17.00 h e as 19.00 h.
O Teatro Principal contará cun circuíto de entrada e saída coa finalidade de evitar
aglomeracións nas súas instalacións. Os nenos e nenas non poderán contactar
cos Reis Magos en ningún momento e deberán acceder con máscara ao recinto,
procedendo, así mesmo, á limpeza de mans. Poderán deixarlles as cartas ás súas
maxestades, nunha caixa de correo habilitada polos paxes a pé de escenario.
O Concello prega a colaboración de toda a veciñanza, mantendo a distancia social
entre grupos e evitando posibles aglomeracións na contorna do Teatro Principal.

Publicado en Portada | Deja un comentario

Aprazamento do inicio de actividades para maiores

Debido aos elevados datos que arroxa a pandemia no nosa vila, e a fin de evitar as
actividades grupais nestes momentos, o Concello acordou retrasar o inicio das
actividades para maiores, previsto para o día 10 de xaneiro, ao 1 de febreiro, se
como parece, se produce un descenso de contaxios nas vindeiras semanas.
As persoas que aínda non abonaron o importe da actividade, non terán que facelo
ata que se comunique o novo prazo desde o departamento de Servizos Sociais.
No que atingue ás persoas que xa realizaron o abono, estase estudando coa
empresa, a posibilidade de recuperar as horas do mes de xaneiro para cumprir co
calendario previsto.
Esta medida preventiva trata de evitar a concentración de grupos numerosos. Hai
que ter en conta que nalgunha parroquia o número de alumnos chega a 19, e no
centro urbano a 25. Aínda que o espazo para impartir as clases é suficiente e xa
estaba contemplado un protocolo de seguridade; este aprazamento supón un
exercicio de prudencia, buscando a seguridade e saúde dos participantes nas
actividades e do resto da poboación.

Publicado en Portada | Deja un comentario