A XUNTA REMATA A MODERNIZACIÓN DOS CENTROS
EDUCATIVOS PÚBLICOS DA ESTRADA CON 1,2 M€ E AVANZA
NA AMPLIACIÓN DO IES LOSADA DIÉGUEZ POR 3 M€

A Xunta de Galicia, a través da Consellería de
Cultura, Educación, Formación Profesional e Universidade, vén de rematar co proceso de
modernización dos centros educativos públicos do Concello da Estrada tras investir case
1,2 millóns de euros ao longo deste ano e xa traballa no vindeiro gran proxecto nesta área
para o municipio, orientado á ampliación e creación de novos talleres de FP no IES Losada
Diéguez cun orzamento de 3 millóns de euros.
O delegado territorial da Xunta en Pontevedra, Luis López, informou do estado dos
investimentos educativos globais realizados nos colexios e institutos do municipio
estradense na visita final de supervisión ás obras de rehabilitación integral e enerxética do
CEIP de Figueroa, onde estivo acompañado polo xefe territorial de Educación, César
Pérez, o alcalde, José López, e outros representantes municipais e educativos.
A rehabilitación integral e enerxética do CEIP de Figueroa que se realizou ao longo deste
ano supuxo un investimento da Xunta de 838.000 euros, que se destinaron á substitución
das fiestras, a mellora das cubertas e das fachadas, a instalación de falsos teitos, a
renovación dos sistemas de iluminación e á dotación de illamento térmico co obxectivo de
outorgar unha maior confortabilidade e eficiencia a estas instalacións.
Deste xeito, culminouse a modernización deste colexio público despois de que a
Consellería de Educación investirá 222.000 euros na última década en actuacións no
comedor, a cuberta ou o sistema eléctrico e de que se realizaran outras obras menores a
cargo do Concello da Estrada no que corresponde ao seu mantemento.


Ademais desta actuación, o departamento autonómico que dirixe Román Rodríguez tamén
rematou, entre o verán e o presente outono, a substitución de luminarias no IES Manuel
García Barros (81.000 euros) e no IES Número 1 (56.000 euros), a renovación de todas as
carpintarías exteriores do CEIP Cabada Vázquez de Codeseda (143.000 euros) e a
instalación dun módulo exterior para aulas e outras obras no IES Losada Diéguez (63.000
euros).
“O resultado da mellora global dun centro tan importante e que ten centos de alumnos
como o de Figueroa é magnífico e vén a completar a modernización da práctica totalidade
dos colexios e institutos da Estrada, xunto coas demais obras realizadas este ano, e
demostra que a aposta da Xunta polas infraestruturas educativas da Estrada é un feito e
algo necesario tanto polo volume de alumnado como pola calidade do ensino”, sinalou o
representante autonómico.
Luis López indicou que a realización destes investimentos é merecida, necesaria e fácil de
levar a cabo “cando se trata dun Concello como o da Estrada co que hai un gran clima de
colaboración, porque sempre actúa con sensatez nas súas peticións e afronta cada ano de
xeito puntual os labores de mantemento que lle corresponden e outras obras, investindo
decenas de miles de euros nos centros públicos, polo que temos unha coordinación
engraxada e exemplar”.
Finalmente, o delegado territorial anunciou que a Consellería de Educación está a traballar
na actualidade na fase administrativa para a próxima licitación da obra de ampliación do
IES Losada Diéguez orientada á creación de novos e modernos talleres para a Formación
Profesional, unha actuación que comezará o vindeiro ano e que conta cunha partida
específica de 3 millóns de euros no proxecto dos Orzamentos da Xunta para 2023.
“Rematamos coa posta a punto de todos os centros deste concello, pero seguimos
totalmente implicados co ensino e estamos a avanzar a gran velocidade nun proxecto tan
ilusionante como o do Losada Diéguez, que vai ter un investimento moi potente e que vai a
marcar un antes e un despois na FP da Estrada e do norte da provincia”, concluíu o
representante autonómico.

Publicado en Portada | Deja un comentario

A Estrada celebrará a Feira do Mel o venres e o sábado

O Concello da Estrada celebrará o vindeiro venres e sábado a Feira do Mel na Praza de Abastos, un evento organizado polo Concello e por abelleiros da localidade que busca ser «unha homenaxe ás abellas e á súa importancia para a obtención de alimentos».O concelleiro de Comercio, Óscar Durán, e o abelleiro Xosé Manuel Durán, organizador desta cita, presentaron onte a iniciativa na Casa do Concello e desgranaron a programación da Feira. Nela participarán dez abelleiros da capital de Tabeirós-Terra de Montes e contará coa presencia de dous recoñecidos cociñeiros, que son o chef Iván Méndez e a reposteira Tere Rico. Ademais, o alumnado dos colexios Cabada Vázquez, de Codeseda, e Villar Paramá, de Vea, colaboran coa cita con debuxos de abellas e da súa importancia nos produtos alimentarios, uns deseños que ‘vestirán’ os botes de mel que se porán á venta durante a celebración da Feira. Tamén haberá, aparte de mel caseiro, un posto de material apícola.A inauguración terá lugar o vindeiro venres, ás 12.30 horas; e de 12.00 a 14.00 haberá unha degustación gratuita de platos elaborados con mel con Iván Méndez e Tere Rico, que volverán deleitar coas súas receitas aos asistentes á Feira do Mel o sábado no mesmo horario. Así mesmo, o sábado ás 10.30 horas terá lugar unha ‘viaxe sensorial’ por Galicia a través dos seus meles.Con esta cita o Goberno local pretende tamén dar a coñecer o produto local, que «ten un valor incalculable», dixo Óscar Durán.A partir de hoxe mesmo, os praceiros van agasallar aos seus clientes con rifas para sortear un lote de produtos das abellas. O sorteo, que será presencial, será o sábado, ás 14.00 horas, coincidindo co peche da Feira do Mel.

 
 
Publicado en Portada | Deja un comentario

LA TIENDA TIEN 21 ZAPPING DE A ESTRADA ADQUIERE EL SELLO DE CALIDAD MEDIOAMBIENTAL POR SU GESTIÓN DE RESÍDUOS

La Asociación Nacional de Empresas Distribuidoras de Electrodomésticos, ADEN; creada hace más de 15 años con la finalidad de agrupar a las empresas de distribución y venta de electrodomésticos con el objetivo de convertirse, entre otras cuestiones, en una plataforma que otorgara cumplimiento a la normativa que en materia de residuos de aparatos eléctricos y electrónicos (RAEE) se refiere; ha alcanzado la cifra de más de 50.000 toneladas desde año 2015, garantizando así la seguridad y trazabilidad de los RAEE. Una elevada cifra que surge del trabajo realizado por las más de 750 tiendas asociadas distribuidas en 7 comunidades autónomas españolas.

 

La asociación ADEN, constituida por las cuatro principales plataformas almacenistas gallegas, adquiere mayor relevancia al respaldar y ofrecer soluciones y servicios a establecimientos repartidos en áreas urbanas y rurales, en su mayor parte, en la comunidad autónoma gallega; motivo por el que esta asociación nacional ha elegido celebrar su tercera edición en Santiago Compostela. 

 

En el evento, que tuvo lugar en la Ciudad de la Cultura y fue conducido por la actriz Iria Sobrado, comenzó realizando un balance sobre las cifras alcanzadas en los últimos años, a lo que siguió la ponencia “SUMAS: la ciencia de la actitud para avanzar”, impartida por el reconocido formador y “speaker”, Leandro Fernández Macho; dando paso, posteriormente, a la parte central del evento con la entrega de galardones que, este año 2022, han recaído en los establecimientos Milar Electromiñor (Baiona), Milar Cayro (Cambados), Euronics Hermida (Vigo), Euronics Gran Vía (Negreira), Tien 21 Mito (A Coruña), Tien 21 Zapping (A Estrada), Activa Casas Faya (Ordes), Activa Tendanosa (Vilagarcía de Arousa), Expert Bazar Lago (Monforte de Lemos), Expert Gregorio (Ourense), Cenor Puentes (Vilalba) y Cenor JVM (Colindres, Cantabria). 

 

Seguidamente intervino el el presidente de ADEN, Javier González, que agradeció el compromiso de todos los empresarios, así como la sinergia y líneas de actuación que se están llevando a cabo con la administración autonómica en beneficio del comercio local. 

 

 

Por último, y ya como clausura a esta tercera edición, tuvo lugar la intervención del director general de planificación energética y recursos naturales, Pablo Fernández Vila, quien destacó la importancia de ADEN como interlocutor entre el comercio local y la administración y puso en valor el Plan Renove de electrodomésticos que llegó a 13.500 hogares gallegos con 2 millones de euros de fondos propios este año 2022. Por su parte, la directora general de Calidad Ambiental, Sostenibilidad y Cambio Climático, Sagrario Pérez Castellanos; destacó la “relevancia que esta asociación y sus asociados tienen en el cumplimiento de los objetivos de reciclado de residuos municipales, no solo porque ejecutan la retirada sino por la labor de sensibilidad de la población” y también quiso destacar el necesario trabajo conjunto para que las acciones que se establezcan desde la administración sean ejecutables.

 

EN CIFRAS:

Desde la implantación, en el año 2015, del Sistema Integral de Gestión de ADEN se ha logrado:

  • Recoger, tratar y valorizar 50.000 toneladas de RAEE
  • Evitar la emisión de 67.000 toneladas de CO2
  • Revalorizar más de 28.000 toneladas de material férrico 
  • Recuperar 7.000 toneladas de plásticos 

 

 

Publicado en Portada | Deja un comentario

Á CESIÓN E USO DA SALA DE XUNTAS E DE MOBILIARIO DO CONCELLO DE A ESTRADA Á SOCIEDADE COOPERATIVA ULLAMA

O Concello da Estrada a través da concellería de Medio Rural, encabezada polo Concelleiro do
Rural, D. Juan Constenla Carbón acaba de asinar un convenio de cesión de uso e espazo da
sala de xuntas do Viveiro de Empresas municipal á sociacedade cooperativa Ullama, cuia
finalidade é apoiar aos produtores e produtoras locais de mazá no nos municipio.
A produción de mazás para sidra na Estrada pasou de ser unha tradición a un fenómeno cada
vez máis abundante, máis tendo en conta que coa baixa da produción ganadeira moitos dos
terreos se empregaron para o cultivo desta froita.
Cabe destacar pois que é un sector de actividade económica moi importante que move o tecido
emprearial local xerando actividade e postos de traballo tanto de maneira directa como
indirecta.
A cooperativa Ullama é un dos referentes, non só no municipio, senón a nivel galego, coa
totalidade da súa produción ecolóxica absorbida para sidra.
A cooperativa Ullama constituíuse no ano 2002, pasando no 2007, a centrar case a
totalidade da súa produción á vertente ecolóxica ao establecer un vínculo comercial con Maeloc
(Estrela Galicia).
Actualmente ten arredor de 60 socios, dos cales case a metade son mulleres que atoparon na
cooperativa unha actividade profesional que desenvolver.
O Concello da Estrada mantén un firme compromiso de dinamización e desenvolvemento do
noso medio rural, sendo un dos eixes prioritarios da concellería do rural o apoio ao mesmo e
máis concretamente aos pequenos produtores e produtoras locais.
A finalidade da sinatura deste convenio é a de facilitar a cooperativa un espazo para
desenvolver a súa actividade; celebrar as asambleas e reunirse cos seus socios e clientes alén
de prestarlle mobiliario e equipamento informático para facilitar os trámites administrativos
que precisan no seu día a día.
O convenio asínase por un período dun ano, prorrogable por vontade das partes.

Publicado en Portada | Deja un comentario

Os cables de Bouzamar seguen sen arranxar e causando graves problemas de seguranza vial

O Alcalde ten que tomar medidas, non pode ficar de brazos cruzados vendo os días pasar agardando que as cousas se arranxen soas, cando o normal é que empeoren como é o caso

 Hai máis de 4 meses, en xuño pasado, denunciamos que no lugar de Bouzamar había un poste de Telefónica roto e os cables estaban amarrados provisionalmente e dun xeito que, dun día para outro, podían desprenderse e provocar un accidente.

Pasaron as semanas e os meses e a situación, lonxe de mellorar, empeorou dada a provisionalidade da situación. No día de hoxe, veciños e veciñas da zona de Vea comunicáronnos que os cables volven a estar sobre a EP-8401, pola que pasan diariamente moitos vehículos, moitos camións de grandes dimensións.

No BNG actuamos con responsabilidade e nada máis termos coñecemento da situación chamamos a Protección Civil para que sinale o perigo e afaste os cables da Estrada. Mais volvemos a insistir en que o Alcalde ten que tomar medidas, non pode ficar de brazos cruzados vendo os días pasar agardando que as cousas se arranxen soas, cando o normal é que empeoren como é o caso. Neste sentido, o alcalde, como máximo responsábel político do concello ten que esixir a Movistar que arranxe esta desfeita, que pode deixar sen teléfono e internet á metade do val de Vea.

Por outra parte, desde o BNG tamén instamos á Deputación de Pontevedra á actuar. A EP-8401 é unha estrada da súa competencia e non pode ser que esta chapuza deste calibre sexa un perigo para a seguranza vial e para os veciños e veciñas Vea. Hai que ter en conta que os cables están situados nunha curva moi pechada e estreita, pola que a duras penas poden pasar dous camións un tempo.

Publicado en Portada | Deja un comentario

Blanca Millán e R.J. Peralta reciben o II Premio Alberte Quiñoi de Álbum Ilustrado no Concello da Estrada

O Concello da Estrada acolleu a entrega do II Premio Alberte Quiñoi de Álbum Ilustrado a Blanca Millán e R. J. Peralta por ‘As filloas de Manola’. No acto participaron Carlos Loureiro, secretario do xurado; o edil de Cultura Juan Constenla, e Sara Valcárcel, responsable de Comunicación e Novos Proxectos da Editorial Galaxia.

Publicado en Portada | Deja un comentario

Xosé Neira Vilas segue vivo no Ceip O Foxo

Xosé Neira Vilas segue vivo no Ceip O Foxo. Na mañá de hoxe os nenos e nenas xunto co claustro e acompañados por membros da Fundación Xosé Neira Vilas homenaxearón a Neira Vilas no día do seu nacemento.

GALERÍA:

Publicado en Portada | Deja un comentario