Mañá xoves ás oito da tarde no Museo do Moble e da Madeira da Estrada (MOME) está fixada a celebración do Día de Rosalía de Castro coa que o Concello e os centros escolares estradenses homenaxean á poetisa padronesa.
Durante o acto recitaranse poemas de Rosalía a cargo dunha representación dos 10 centros escolares da vila, ademais dunha representación de alumnos do IES CHano Piñeiro de Forcarei, que porá música a un poema. O acto pecharase coa presentación do videoclip que distintos particulares e colectivos estradenses gravaron recitando versos de Rosalía de Castro.
