A entrega dos premios será o 15 de novembro no Teatro Principal
A Asociación Cultural O Brado da Estrada fallou onte no Concello da Estrada os gañadores da súa 27 edición dos Premios San Martiño de Normalización que recoñecen a aquelas persoas ou entidades que traballan a prol da lingua galega. Na modalidade A Estrada e comarca de Tabeirós-Terra de Montes o premiado nesta ocasión é a Asociación Codeseda Viva. Na categoría Galicia Enteira a agraciada é Carme Pérez Vaqueiro e o premio a toda unha vida de defensa do idioma é para Mario Franco Rodríguez. A entrega de premios será o 15 de novembro ás 20.30 horas no Teatro Principal da Estrada. Asociación Codeseda Viva comeza a súa andadura no ano 2.000, cunha páxina web, denominada Codeseda.com. Este colectivo adícase a recoller fotos antigas, documentos, datos históricos, etc. Legalízase como Asociación Codeseda Viva no 2011. A súas principais actividades son a Ruta de Senderismo PRG-197 que se atopa na derradeira fase de homologación. O colectivo céntrase na actualidade en documentar o camiño da Geira Miñoto Arrieiro que partindo de Braga-Portugal, remata en Santiago de Compostela, para que sexa recoñecido polas Autoridades como Camiño Cultural Preferente e logo como Camiño Xacobeo.Carme Pérez Vaquero é, sen dúbida, unha muller única no movemento da normalización lingüística. É xurista e leva máis de 25 anos facendo unha transcendental labor na promoción e fomento da cultura galega. Con persoas como ela foron xurdindo colectivos que contribuíron con esta causa, entre eles a Asociación de Funcionarios para a Normalización Lingüística creada en 1982. As devanditas entidades forman parte do colectivo Galeguizar Galicia. Grazas ao labor desas asociacións a mensaxe da normalización lingüística ten vida propia fóra das fórmulas tradicionais da cultura galega, prestixiando a lingua galega onde había indiferenza. Ese inmenso colectivo ten moitos protagonistas,entre eles está estamuller.Mario Franco Rodríguez. Naceu en Santiago de Compostela no ano 1934. Comezou a escribir no 2004, xa xubilado, e publicou a súa primeira novela Terranova – Memorias dun mariñeiro baseada nas súas vivencias e experiencias como tripulante dun buque bacallaeiro. No ano 2007 presentou ao VI Certame Avilés de Taramancos de Relatos de Aventura A derradeira campaña do Capitán Samuel, tamén baseada no mesmo tema mariñeiro e conseguiu o premio por maioría. No ano 2008 volveu presentar ao mesmo certame na súa VII edición A Capela Maldita baseado nunha temática completamente distinta e volveu obter o premio por unanimidade. Foi o único escritor que acadou dito galardón dous anos consecutivos. Todas publicadas en galego, idioma que emprega en todos os seus escritos.O xurado encargado de fallar os premios desta nova edición foron Lourdes Dono, Mónica Arca, Juan Constenla, Iván Sanmartín, Luis Ferro, Carlos Andújar e Kike Vázquez.
