A maleza come as beirarrúas do rural mentres o alcalde sigue prometendo sendas peatonais.
José López destaca por promesas e suspende en traballo diario.
O rural é o eterno esquecido nas lexislaturas de José López como alcalde da Estrada. Só se interesa polas parroquias en véspera electoral. As moitas de denuncias dos veciños de todas as parroquias sobre o estado deplorable na que se atopa a rede de pistas do rural, á falta de melloras nos servizos de recollida de lixo, voluminosos e vertedoiros incontrolados, á nula política de saneamentos podemos engadir tamén o pésimo estado de mantemento das beirarrúas habilitadas en varias parroquias para …. dos peatóns.
Veciños e veciñas de Tabeirós, Codeseda ou Lagartóns ven todos os días como ás silvas, herbas e fentos comen os espazos destinados ao discorrer dos viandantes. “A maleza come as pistas de moitas parroquias do rural que siguen agardando que o Concello pase a desbrozar, os coches teñen que esquivar baches e interpretar sinais tapadas pola maleza, pero incluso os poucos sitios específicos que se crearon nalgunhas parroquias para andar e camiñar a xente con seguridade nos gobernos de José López están nun estado de conservación vergonzoso”
“A situación é tal que non fai falla adentrarse moito no interior das parroquias, o que os socialistas denunciamos está á vista de todos e todas nas aceras que dan acceso ao casco urbano dende Liñares. A ámbolos dúas marxes da N-640 podemos ver como apenas queda espazo para as persoas que camiñan por estas beirarrúas. Mentres o alcalde José López segue a facer promesas de novas sendas peatonais a realidade do seu compromiso cos veciños e veciñas do rural pálpase no día a día ”.
Grupo Municipal Socialista
