Desenvólvese entre 2020 e 2021 con actividades de difusión da danza para todos os públicos.
No 2020 Paula Quintas reactivou os seus espectáculos SET e Plastic con sendas residencias no
Teatro Principal co obxectivo de afrontar as xiras previstas para este ano tras o período de
inactividade provocado pola COVID19: Viladecans, Sevilla, Olot, Narón, Cedeira, Bilbao, Ciudad
Real, … 6coreógrafas forma parte do proxecto de reactivación, sendo o programa para o 2021,
unha mostra de 6 espectáculos de creadoras galegas en formato de solos, tanto de rúa como
escénicos e arroupados con debates co público e obradoiros.
O proxecto permite coñecer e recoñecer espectáculos de danza actuais en diversos formatos a
través da exhibición, coñecer os procesos a través dos coloquios posteriores ás funcións e tomar
contacto cos materiais coreográficos a través dos obradoiros. O motor polo que nos traslada a
realizar este proxecto, xorde da necesidade de visibilizar o traballo das creadoras galegas co fin
de achegar a danza contemporánea a un público xeral, dende o achegamento interno como
externo, dende a participación en formato de obradoiros ata a exhibición como experiencia
artística-estética para o público.
Galicia conta con multitude de creadoras en continuo crecemento tanto persoal como
profesional. Estas seis coreógrafas e bailarinas son un boa mostra. Todas traballan o discurso
dos seus proxectos a través do movemento usando o seu corpo como o lugar da creación.
Desde o concepto do feminino os seus traballos como materia conceptual e a súa estratexia non
é outra que a procura constante do que a danza lles suxire para levala ao lugar que lle
corresponde nas artes escénicas.
O programa 6 coreógrafas foi creado para compartir e celebrar o día Internacional da danza 2021
co apoio de Agadic · Xacobeo 2021 · Xunta de Galicia, o Concello da Estrada e Galicia Danza
Contemporánea, así como as seis coreógrafas convidadas: Alejandra Balboa, Clara Ferrao,
Begoña Cuquejo, Marta Alonso, Andrea Quintana e Paula Quintas, presentando discursos moi
diferentes entorno ao corpo en movemento e expresión onde se canalizan en diferentes puntos
de vista sobre conceptos universais e transversais.
Resumo do programa 2021:
Sábado 17 de abril
Obradoiros para varios grupos.
Venres 23 de abril
19:30h. Alameda Municipal. Miñaxoia de Clara Ferrao
20:30h. Teatro Principal. Bailar Agora de Marta Alonso Tejada
Sábado 24 de abril
19:30h. Alameda Municipal. CASTR@ de Begoña Cuquejo
20:30h. Teatro Principal. Plastic de Paula Quintas.
Domingo 25 de abril
19:00h. Alameda Municipal. Vertebrata de Alejandra Balboa
20:00h. Teatro Principal. O raro é que bailar sexa raro de Colectivo Vacaburra – Andrea Quintana.
