Mañá venres, ás 19.30 h, o solo de Clara Ferrao Miñaxoia erguerá o pano do festival de danza 6 Coreógrafas que converterá a vila da Estrada na capital galega da danza durante toda esta fin de semana.
Miñaxoia foi galardoado co Premio á mellor intérprete no Festival La Espiral Contemporánea de Santander, o Premio do público no Certame de Artes de Corpo Doutras de Ourense e o Premio á mellor intérprete en DZM Diálogos Contemporáneos de Cáceres.
A actuación de Clara Ferrao, emprazada na Alameda Municipal, desprazaríase ao Novo Mercado en caso de choiva.
Os espectáculos de interior comezarán ás 20.30 h co espectáculo de Marta Alonso Bailar agora, un espectáculo de danza física e linguaxe humorística feito en coprodución co Centro Coreográfico Galego.
Sinalar, por último, que as entradas para o espectáculo do sábado de Paula Quintas Plastic, agotou xa as súas localidades. Para o do domingo, O raro é que bailar sexa raro, de Andrea Quintana, quedan apenas 20 convites por repartir. Mañá seguirán despachándose no departamento de Cultura do Concello.
