1.-O torneo rexerase polas normas da Real Federación Española de Tenis.
2.-Os partidos disputaranse ao mellor de tres sets, con tie break en todos
eles, e super tie break en lugar de terceiro set.
3.-O sistema de competición será eliminatorio con cabezas de serie
establecidos pola organización.
4.-Aplicarase W.O. a toda parella que non estea preparada para disputar o
seu partido transcorridos 15 minutos da hora sinalada para o comezo. O
quecemento na pista non superará os 10 minutos. Recoméndaselle aos
xogadores, da segunda e terceira quenda, que estean nas pistas media hora
antes do comezo dos seus partidos.
5.-Lémbrase as parellas que teñan dificultades de horarios que deberán
comunicalo á organización no momento da inscrición. A organización tratará
de axustarse ás necesidades dos/das participantes. Unha vez
confeccionados os horarios, estes non serán alterados e polo tanto non se
accederá a cambios posteriores.
6.-Para cada partido utilizarase un bote de pelotas que terán que recoller na
conserxería do Pavillón “M. Coto Ferreiro” e devolver ao remate do mesmo.
7.-No caso de aprazamento dalgún partido pola choiva ou por atoparse as
pistas molladas, este terá que xogarse nos días e horas que quedan libres no
calendario, previa consulta coa Organización.
8.-Se nalgunha categoría non se acada un número suficiente de inscricións, o
torneo farase en formato mixto.
9.-Os resultados dos partidos comunicaranse ao Departamento de Deportes
do Concello ou no pavillón municipal Coto Ferreiro (Tf. 986 570030) das 9 ás
14 h.
10.-O torneo dará comezo o venres 18 de xuño, e rematará, coa
disputa das fináis, o domingo 27 de xuño.
11.-O sorteo celebrarase o martes 15 de xuño e o remate do prazo
de inscricións será o domingo 14 de xuño, as 14 horas.
12.-As inscricións realizaranse a través de ibertens, ou no
departamento de deportes do Concella da Estrada.
13.- Celebrarase unha repesca conxunta para as parellas
que perdan na primeira ronda.
14.-DEREITOS DE IMAXE: Estas bases son públicas. A
inscrición ou participación no torneo supón a cesión dos
dereitos de imaxe a: Concello da Estrada e Escola de Tenis
MVL por parte de tódolos participantes na proba, sexan
xogadores, adestradores, membros da organización ou
público. Todo aquel xogador, adestrador, membro da
organización ou público que non desexe participar coa súa
imaxe nos actos da proba excepto: fotografías de entrada en
pista, de grupo e entrega de trofeos, deberá comunicalo
por escrito a través dos canles de comunicación da proba.
