A edil estradense de Emprego, Lucía Seoane, desprazouse
esta mañá ata a Sala MOME para asistir á xornada de posta en marcha do Club de
Emprendemento Deza-Tabeirós, configurado como Comunidade de Emprego e
Emprendemento Rural Sostible
. Trátase dun programa gratuíto que busca xerar postos de
traballo en áreas rurais, aproveitando as oportunidades locais para crear emprego e
emprendemento inclusivo e sostible.
Lucía Seoane quixo agradecer a Acción Contra a Fame, impulsora desta iniciativa, que
puxera os seus ollos no Concello da Estrada para promover esta comunidade de emprego.
Aplaudiu que, da súa man, os emprendedores teñan unha nova vía de “formación,
información e apoio”. Remarcou que as persoas que participen poderán atopar un foro de
colaboración e intercambio de experiencias.
“Incluír nun currículum a pertenza a un club de emprendemento amosa que a persoa é
proactiva e cunha iniciativa creativa”, sinalou a concelleira de Emprego, en alusión a aqueles
que pode participar nesta comunidade aínda que, finalmente, decidan non coller a vía do
emprendemento como saída profesional
