Ruta popular BTT para adultos

Terá unha distancia aproximada de 20 km e pasará polas parroquias de Aguións, Santeles e Toedo para voltar o punto de saída.

A Concellería de Deportes, Novas tecnoloxías e Participación Cidadá, en colaboración cá peña Ciclista Bikestrada, ofertan para este outono as rutas populares de BTT. Levaranse a cabo dúas rutas para nenos e dúas para maiores.

As rutas para os maiores de 16 anos serán os domingos 24 de Novembro e o 1 de Decembro. A saída será as 10:00 horas da Praza do Concello. Todos os participantes menores de 18 anos terán que traer unha autorización firmada polos seus titores. Uso de casco obrigatorio.