A comisión de festas encargada de deseñar e
organizar as festas patronais de San Paio en 2026 ten xa en distribución os boletos do
número que xogará no Sorteo Extraordinario de Nadal. O presidente da comisión, Iván
Lorenzo, explicou que o equipo deixou ao azar a elección do número 99.654, adquirido
integramente para depositar a ilusión o vindeiro 22 de decembro.
Os décimos están xa dispoñibles en diferentes establecementos hostaleiros e comerciais
da vila. O número distribuirase integramente na Estrada. As persoas que o escollan para
o sorteo de Nadal aportarán 3 euros en concepto de donativo para colaborar co San Paio
2026.
A nova comisión de festas de San Paio presentouse a comenzos deste mes publicamente
para que os estradenses a coñezan e compartan con ela o desexo e o empuxe para
organizar as mellores festas posibles para goce de todos os estradenses.
gO equipo está formado por Iván Lorenzo, Puri Areán, José Luis Terceiro, Ana Cerqueiro,
José Ramón Blanco e Silvia García.
