Xa está dispoñible a app oficial do Concello da Estrada, unha ferramenta móbil que reúne nun único espazo toda a información cultural, social, deportiva e festiva do municipio, sempre actualizada e accesible desde o teu teléfono.
A aplicación foi presentada hoxe polo alcalde, @gonzalolouzaodono, o concelleiro de Novas Tecnoloxías, @manuelmagarinosmaceiras , Javier Ramos, en representación de @aestradadixital e Brais Saco, de ALIA Technologies.
Consulta a axenda cultural, as festas parroquiais, a programación de deportes, iniciativas de desenvolvemento local, actividades de asociacións e xuventude ou escoita Radio Estrada directamente desde a aplicación.
Ademais, conta cun sistema de avisos e alertas de emerxencia, así como notificacións push configurables para recibir información relevante en tempo real.
Os usuarios tamén poderán subir á aplicación información sobre os seus eventos.
A app está integrada co portal municipal aestrada.gal, garantindo contidos únicos e sempre actualizados.
Dispoñible actualmente para Android (Google Play).
A versión para iOS estará dispoñible proximamente.
