Obradoiro de Títeres

A compañía de Lalín «Títeres Viravolta», realizará un obradoiro de títeres que rematará cunha pequena exhibición aberta a todo o público.

Todos os nenos de entre 6 e 10 anos que queiran anotarse no «Obradoiro de construción e manipulación de monicreques» impartido pola Cía lalinense Viravolta o vindeiro día 3 na sala Nova Galicia Banco, en horario de 10.00 h a 13.00 h., deberán chamar o vindeiro mércores día 2 ao Departamento de Cultura do Concello da Estrada (986573601) para reservar praza. So se admitirá un máximo de 20 alumnos. A actividade será gratuíta e rematará coa representación dunha peza aberta a todo o público.