Acto do BNG sobre a lei do aborto

O BNG da Estrada organiza este venres 7 de febreiro un acto público sobre a reforma da lei do aborto que prepara o Partido Popular. Este acto, previsto para as 20,30 horas, no Teatro Principal da Estrada, contará con Olaia Fernández Davila, deputada do BNG no Congreso.

Neste acto o BNG dará conta da súa visión crítica sobre a reforma da lei do aborto aprobada polo goberno central, unha lei que nos fará retroceder máis de 40 anos de conquistas sociais que xa criamos perfectamente asentadas. Tamén faremos parte da nosa alternativa, que pasa inescusabelmente polo dereito das mulleres a decidir e polo aborto libre e gratuíto.