A Estrada na Rede

A pasada semana clausuráronse as II Xornadas do Seminario de Estudos Locais da Estrada. Nesta última mesa redonda realizada por Marisé García e Juan Andrés Fernández, mostráronnos unha recopilación de lugares emblemáticos do casco urbano da Estrada. Actuou como moderador José Luis Reimóndez.

Previamente o grupo de gaitas Tequexetéldere abreu o acto cun grupo de pandereteiras.

Finalizada a exposición proxectouse unha mostra fotográfica destes tres días das xornadas e clausuraron o acto o alcalde, José López, e o Secretario Xeral de Política Lingüística, Valentín García.

1 2 ►

Redacción e fotografía: Iria Eiras

Xa temos os gañadores das 4 entradas para o concerto deste sábado de «La Habitación Roja».

Na noite de onte, coa colaboración do polifacético humorista Pablo Chichas, realizamos o sorteo do concurso das entradas para o concerto do grupo valenciano, La Habitación Roja. Empregando como sede do sorteo un dos extraordinarios comedores do restaurante Samaná, que amablemente nos cederon para que poidérades acudir os interesados no desenvolvemento da rifa, os gañadores foron os seguintes:

– Daniel Fernández

– Marcos Otero

– Mónica Vilarelle

– Carlos Antonio Torres

Durante o sorteo, tamén saíu premiada Patricia Otero, pero como as entradas que se sortean son individuais e xa gañara unha noutro concurso, volveuse sortear dita entrada. Os gañadores podedes recoller os tickets na billeteira do teatro antes do concerto presentado o DNI.

Parabéns aos gañadores e grazas por concursar a todos os participantes.

Gravación: Adrián Eiras

Redacción e Fotografía: Iria Eiras