Chegan as festas de San Paio e a pesar dun presuposto sensiblemente máis baixo que o ano pasado, 35.000€ menos que en 2012, contan con un programa variado e para todos os públicos.
Así no lo fixo chegar o concelleiro de eventos, Nemesio Rey, acompañado de José Manuel Marque, membro da comisión, e Rosa Herraiz, deseñadora do cartel. En primeiro lugar presentaron o cartel deste ano do que Rosa nos conta que utilizou o tradicional palco de música da alameda transformado nun carrusel, para darlle un aspecto máis festivo.
Posteriormente Nemesio preséntanos o programa das festas, que pese a estar englobadas entre os días 25 e 29 de Xuño, conta con actividades xa dende o Venres 21 coa II Nocturna Estradense e o acendido do alumeado das festas.
Podedes consultar o programa, o cal aínda se lle poden engadir máis actividades xa que o petitorio continuará ata o comezo das festas, no seguinte enlace http://www.sanpaio.aestrada.com/ e nas próximas horas tamén disporedes da programación na nosa axenda para que non vos perdades nada. ¡Felices Festas!
Fotografía, Gravación e Redacción: Iria Eiras
