Onte pola mañá o presidente da ACOE, Sindo Villamayor, firmaba un convenio co clube deportivo Vasán-Cubik A Estrada Futsal, representada polo seu presidente, Xosé Manuel Reboredo acompañado de Alejandro García.
Mediante este acordo, o clube de fútbol sala promocionará a asociación de comerciantes a través da súa web, situando o logo de ACOE, e nunha valla publicitaria no Coto Ferreiro sita detrás dunha das porterias. Pola súa banda, a asociación estradense proporcionará un vale de compra de 20€ para sortear en cada partido que xoguen como locais e encargarase da impresión dos dípticos informativos do clube.
Redacción e Fotografía: Iria Eiras
Gravación: Adrián Eiras e Iria Eiras
