Este mércores Pablo López, en representación do EDM Mimela A Estrada de Baloncesto, fixo entrega dun cheque de 323,05€ a concelleira de Benestar Social, Amalia Goldar, para o Banco de Alimentos do Concello da Estrada.
Este importe recadouse na cantina do Coto Ferreiro durante a celebración do I Torneo 3X3 de Nadal Concello da Estrada en colaboración co EDM Mimela A Estrada. O xénero vendido na cantina ao prezo popular de 1€ foi suministrado polas empresas colaboradoras, ACOE, Begano, Monster Studio, Panadería Cervela, Panadería Casa do Pan, Sala Gradín e algún nai que aportou algún pastel.
O Torneo contou cá participación de case 100 xogadores repartidos en 6 equipos na categoría minibasket e 16 equipos na categoría senior, con xogadores chegados dende Teo, Negreira, Cuntis ou Santiago de Compostela, nunha gran xornada de baloncesto que contou cunha gran asistencia de público.
Redacción e fotografía: Iria Eiras / Gravación: Adrián Eiras
