O pasado fin de semana A Estrada Futsal vivía unha xornada histórica coa que pechaba o ano 2015 antes do descanso de Nadal.
O club contaba cos 5 equipos xogando como locais polo que preparou sorteos, chocolatada con churros e outras sorpresas.
Os rapaces e rapazas que conforman esta gran familia do futsal estradense acompañados dunha volcada afección conseguiron facer historia cun pleno de vitorias en todas as categorías.
no images were found
A xornada iniciaba o sábado o Pastelería Cervela Alevín que acadou unha cómoda vitoria por 6 goles a 0 no seu encontro contra o Poio Pescamar.
no images were found
Seguidamente chegaba o turno das rapazas do City Lift B que conseguían unha traballada vitoria contra o Portas por 2 goles a 1.
O City Lift A acadou un resultado engañoso ante un Fisober ao que foi superior, pero que tivo opcións durante todo encontro para impedir a vitoria das rapazas do primeiro equipo do Futsal. Finalmente o resultado foi de 3 goles a 2 para as locais.
no images were found
A xornada do sábado pechaba o Vasán Inversia A Estrada Futsal nun dos encontros máis importantes do fin de semana, ao que respondeu a afección local cunha importante entrada para apoiar aos rapaces de Marcos Sesar.
O primeiro equipo masculino acadou unha traballada e importante vitoria ante A Pontenova que o sitúa a tan só 2 puntos do primeiro posto da competición.
O resultado final foi de 8 goles a 3 nun partido moi trabado onde os locais protestaron a dureza empregada polos visitantes en algúns lances do encontro.
no images were found
Xa no domingo chegaba o turno do Pastelería Cervela Infantil no que os rapaces de Maricho conseguían a súa primeira vitoria por 4 goles a 3 contra o Inter Pontevedra.
Os rapaces do equipo infantil dominaron un partido de ida e volta no que as mellores ocasións foron para o equipo local que chegou a cadar unha renda de 3 goles podendo ampliar o marcador, pero nos últimos minutos o equipo visitante conseguiu reducir distancias en dúas contras.
no images were found
