Os veciños e veciñas da vila sofren o enésimo corte de auga, mais as prioridades do alcalde non son arranxar os problemas da traída
Toda a traída da Estrada é un desastre. Non é só Fernando Conde, que no día de onte sufriron o enésimo corte de auga, senón toda a vila como quedou demostrado nos últimos meses.
A traída de auga da Estrada ten un problema, e ese problema é o alcalde que é incapaz de atallalo e darlle unha solución definitiva mentres dilapida 6 millóns de euros do AESS 2020 en proxectos que só beneficiarán aos seus amigos, mais non á Estrada, que en 2020 seguirá cos mesmos problemas que hoxe. Entre eles o da traída.
E é precisamente este o motivo da nosa marcha do EDUSI, o de que o grupo de goberno do PP non atenda as prioridades do concello, que causan graves inconvenientes a veciños e veciñas, e de que todo sexa un paripé para enmascarar os proxectos ocultos do PP, mais o BNG non vai ser cómplice da dilapidación de seis millóns de euros.
Instamos ao alcalde, mais unha vez, a explicar con claridade aos veciños e veciñas que é o que pasa coa traída da vila da Estrada, e instámolo a poñer enriba da mesa solucións realistas a curto prazo. Esa é a súa responsabilidade.
