MOTIVO
Sinatura do convenio do CONCELLO DA ESTRADA coa FUNDACIÓN OBRA OBRA SOCIAL ABANCA E ABANCA
OBXECTO DO CONVENIO
Realizar a Exposición fotográfica Auga, o sangue da terra na Casa das Letras entre os día 5 e 27 de abril en horario de luns a venres de 10.00 a 14.00 h e de 16.00 h a 21.00 h.
As Entidades asinantes amosan a súa disposición a estudar a posibilidade de colaborar na realización doutras actividades que promove Afundación no marco do seu programa interxeracional «O valor da experiencia»
TÍTULO DA EXPOSICIÓN
«Auga. Sangue da terra»
OBXECTO DA EXPOSICIÓN
Concienciar á sociedade da necesidade dun uso responsable da auga.
O AUTOR
Manuel Valcárcel, fotógrafo e documentalista nacido en Monforte de Lemos en 1975, gañador de distintos concursos de fotografía e videoclip, percorreu distintos países de Asia e África, experiencias que lle serviron para organizar exposicións como a de Sahara libre, Palestina, Nómades ou Olladas. As súas exposicións teñen sempre un marcado compromiso social.
DATOS SOBRE A EXPOSICIÓN
A mostra realiza un percorrido pola relación do ser humano coa auga mediante fotografías dos cinco continentes. Lugares tan alonxados como Nova Zelanda, a India ou Níxer, o deserto de Atacama ou a conca lucense do río Lor foron retratados polo fotógrafo e recollidos neste proxecto que ten como obxectivo valorar a auga como elemento vital e amosar como inflúe a presenza ou ausencia de auga nas culturas, nas paisaxes e nos ecosistemas
