- As entradas ao curro para a Rapa do sábado 7 de xullo son as máis
solicitadas
A Asociación Rapa das Bestas de Sabucedo informa que a
venda anticipada por internet das entradas para acceder ao curro os días 7, 8 e 9 de xullo
arrancou «a bo ritmo» durante a primeira fin de semana cun total de 145 entradas vendidas.
Ao igual que en anos anteriores, a Rapa do sábado día 7 ás 19.00 horas é a que máis interese
está a espertar na venda on line, posto que acapara preto do 70 por cento das entradas
despachadas nos primeiros tres días.
Desde a organización lémbrase que as entradas poden mercarse desde a páxina web
www.rapadasbestas.gal a través da plataforma Ticketea. En total, na venda on line saíron á
venda 750 entradas para cada curro cos seguintes importes: o sábado e o domingo, 10 euros
para as entradas xerais dos adultos e 5 euros para os nenos de 4 a 10 anos de idade, mentres
que para o curro solidario do luns, 5 euros para os adultos e os nenos de balde.
