Varias empresas da Estrada traballarán subcontratadas na construción do novo centro de saúde da Estrada, cuxo inicio está previsto para o vindeiro mes de agosto, segundo afirmou hoxe o alcalde, José López.
Cun presuposto de 4.700.000 euros, a UTE Puentes y Calzadas-Ogmios posúe o contrato da obra, que comezaría con traballos de movemento de terras e conta cun prazo de execución de dezasete meses para o desenvolvemento do proxecto, co que, de cumprirse os prazos, a edificación estaría rematada a finais de 2019.
