O Teatro Principal da Estrada acollerá mañá a partir das 22:00 horas a actuación de Ángel Stanich, que interpretará temas do seu novo disco Antigua y Barbuda, así como algunhas das súas cancións máis populares.
As persoas interesadas en asistir ao concerto dun artista que conta cunha gran presenza na radio a nivel nacional poderán adquirir algunhas das entradas aínda dispoñibles a un prezo de 10 euros no Departamento de Cultura do Concello, no Café Boliche ou na billeteira do teatro momentos antes do inicio do espectáculo.
