O Concello da Estrada, por medio da Concellería de Deportes, Novas tecnoloxías e participación Cidadá, informa que para esta curso 2019-2020, contaremos entre as disciplinas ofertadas nas Escolas Deportivas Municipais, con atletismo.
Esta actividade súmase as escolas xa existentes (judo, karate, deportes alternativos, ciclismo, padel, natación, ximnasia, loita tradicional, patinaxe e hockey, xadrez, badminton,
baile deportivo, tenis, tenis de mesa e baloncesto), ofertando 16 disciplinas deportivas diferentes a poboación estradense.
A inclusión do atletismo como escola deportiva municipal, ven dada pola integración das categorías inferiores do CD San Paio na estructura do Club Atletismo A Estrada, dando lugar a Escola Deportiva Municipal de Atletismo que será xestionada polo Club Atletismo A Estrada, club de referencia de traballo coa base dende os seus inicios. Deste xeito unificase
o atletismo base estradense baixo un mesmo teito, que permitirá seguir medrando a este deporte no noso concello.
O CD San Paio, nos derradeiros meses e por motivos técnicos, decidíu estudiar a situación actual das suas escolas de atletismo, considerando que a decisión adoptada era a mellor para os seus xovenes atletas. O club continuará ca súa actividade e o seu traballo habitual coma ata agora, cos atletas senior e co seu gran referente: Medhi El Naboui.
