Con motivo do paro das competicións oficiais no ano 2020 motivado pola COVID,
AEstradaDeporte deseñou un Plan Local de mellora de infrastruturas deportivas, para executar
no último semestre do ano 2020 e no primeiro trimestre do 2021. A finalidade é ofrecerlles un
mellor servizo aos nosos usuarios, mellorando as instalacións e a súa contorna, así como a
sinalización das áreas deportivas do Concello da Estrada para os nosos veciños, e para todo
aquel cidadán doutras localidades que poida visitarnos.
Vimos de finalizar a colocación dos elementos que forman parte da sinaléctica das
instalacións deportivas municipais, que forma parte deste Plan Local de mellora de infrastruturas
deportivas.
A actuación consistiu na colocación dun totem informativo no acceso de cada instalación,
así como tres mapas ca localización das instalacións, que están ubicados no campo de fútbol
Novo Municipal, no pavillón polideportivo Manuel Coto Ferreiro e nas pistas de tenis.
Os totems están compostos por unha base de aceiro inoxidable na que se inserta
verticalmente un poste de madeira de abeto con tratamento específico antihumidade para
exteriores, e sobre as que de coloca a información de cada instalación deportiva.
Esta sinalizacíon, faise a maiores dos traballos realizados nas instalacións no seu
momento pola situación do COVID19.
