Ábrese o prazo para inscribirse nas actividades de prevención da dependencia 2021

Mañá martes, abrirase o prazo de inscrición para participar no programa de Actividades
de prevención da dependencia 2021 que permanecerá aberto desde o 14 até o 22 de
setembro (ambos incluídos).
Os requisitos para participar son estar empadroado/a no Concello da Estrada e ser maior
de 50 anos ou contar con valoración de discapacidade. (33% ou máis).
As solicitudes deben presentarse no departamento de Servizos Sociais, en horario de
9.00 h a 14.00 h, ou a través da sede electrónica do Concello da Estrada e deberán
acompañarse do certificado de discapacidade, de ser o caso.
No caso de que o número de solicitudes supere a previsión de prazas por grupo,
atenderanse as solicitudes segundo a seguinte orde de prioridades: En primeiro lugar,
daráselle preferencia ás persoas empadroadas no Concello da Estrada; e en segundo
lugar, darase preferencia por orde de entrada das solicitudes.
Cando se coñeza o número de participantes en cada parroquia, comunicarase o día e
hora da actividade, co fin de que os interesados formalicen a inscrición.
Para máis información, aqueles interesados ou interesadas poden dirixirse ao
Departamento de Servizos Sociais (de luns a venres en horario de 9.00 h a 14.00h) ou
chamar ao teléfono 986 573 265.