Preto de 400 coches están expostos no recinto ferial estradense con motivo do 5º Salón do Vehículo de Ocasión, unha cita que se celebrará ata Domingo e que foi inaugurada hoxe polo director xeral de Comercio e Consumo, Manuel Heredia.
O director xeral destacou o importante papel que este recinto ten na dinamización económica da Estrada e no impulso do sector comercial da zona que está presente neste salón pero tamén nos distintos eventos que se realizan ao longo do ano.
O horario do salón será ininterrompido de 11.00 a 20.00 horas e o prezo da entrada será dun euro, sendo o acceso válido para todos os día que dura o evento.
