O departamento de Facenda emitiu informe favorable para a reversión ao Concello da Estrada da estación de autobuses e dos terreos que ocupa, cedidos en 1993 á Xunta. Supón un paso máis no proceso iniciado para converter o edificio para outros usos, sendo o principal a creación dunha Casa da Xuventude. O alcalde, José López, destacou onte que o primeiro trimestre de 2022 está marcado para pechar o convenio que permite contar con estas instalacións, da que xa partiu a empresa estradense coa segunda planta pechada.
Tras o informe favorable de Facenda, agora hai que chegar á petición oficial de reposición para o acordo plenario. Será imposible dispor da documentación para a sesión ordinaria de xaneiro, trasladada ao día 13, pero López espera aprobala en febreiro e asinar despois o convenio coa Xunta. O Concello fixara unha partida de 300.000 euros no plan Edusi pero “non será suficiente e teremos que conseguir fondos doutros programas”, indicou o alcalde.
s.
Esta entrada fue publicada en
Portada. Guarda el
enlace permanente.
