AXUDAS MUNICIPIAS Á CREACIÓN DE EMPRESAS 2023

O Concello da Estrada aprobou este pasado luns en Xunta de Goberno Local a convocatoria de
axudas municipais á creación de empresas 2023.
Para este ano destinanse un total de 30.000 euros.
Poden acollerse ás mesmas todas aquelas persoas; empresariado individual e as pequenas e
medianas empresas (pemes), independentemente da súa forma xurídica, que iniciasen a súa
actividade empresarial entre o 1 de xaneiro e o 31 de decembro de 2022 (enténdese por inicio da
actividade a alta no imposto de actividades económicas -IAE-).
Como requisito xeral a empresa/autónomo terá que ter o seu domicilio fiscal e social na Estrada.
As axudas teñen un alcance de ata 2.000 euros por solicitude.
Este ano, as bases foron modificadas para fomentar o empadroamento na Estrada. Así,
puntuarase con tres puntos a cada persoa tanto emprendedora como empregada que se
empadroen na Estrada. Cabe destacar que de media o valor do punto acostuma a quedar fixado
nuns 80/90 euros, estariamos falando de 240 euros de media máis por persoa empadroada, na
concesión da subvención.
Como cada ano, o departamento de promoción económica tentará axilizar a resolución das mesmas
para que as persoas solicitantes reciban a axuda canto antes.
Segundo previsións, estimamos que mañá venres, o BOP publique a convocatoria. Unha vez
publicadas as mesmas, as persoas interesadas disporán dun prazo de 10 días hábiles para presentar
as solicitudes.
Se algunha persoa ten dúbidas ou precisa axuda para a tramitación da subvención, pode dirixirse ao
departamento de emprego municipal sen necesidade de cita previa ou chamando ao teléfono 986
677 740.