O Centro de Saúde da Estrada comezou onte coa segunda ronda dos test serolóxicos, que determinarán se os pacientes desenvolveron anticorpos contra o coronavirus. Así, ata o día 19 de xuño realizaranse 461 probas aos veciños e veciñas estradenses. Segundo informou a coordinadora de Enfermería, Maite Matalobos, os test realizaranse en turnos de mañá e de tarde e, esta vez, non se habilitará unha carpa na entrada do ambulatorio, senón que as probas realizaranse no laboratorio do centro.
Cabe recordar que na primeira ronda detectáronse só dous casos de positivos dun total de 534 test.
