¡ A BAILAR !

Despois do parón do ano pasado a causa da pandemia, este ano retomamos as clases de Baile Galego nos IES da Estrada durante a primeira avaliación.

Este ano impartironse clases aos nenos de 1º, 2º e un curso de 3º da ESO dos tres centros de ensino público da Estrada e o único cambio deste ano é que por mor da situación sanitaria e dos protocolos dos centros de ensino non se fará a foliada de fin de curso onde os nenos dos 3 centros de ensino compartían o aprendido nos dous meses de clase.

Desde Tequexetéldere queremos agradecer ao Concello da Estrada e aos seminarios de Educación Física dos 3 centros a súa implicación neste proxecto tal e como levan facendo desde o ano 2015 que comezou esta iniciativa.

Xuntase o proxecto e os horarios de clase .

Proxecto talleres baile galego institutos A Estrada.

Introducción.

Con este proxecto de baile tradicional galego o que se pretende non so é que os rapaces e rapazas, entre idades de trece a dezaseis anos, coñezan a cultura tradicional galega senón tamén a importancia que ten dentro da súa evolución tanto a nivel psicomotor como a nivel psicoevolutivo.

O enfoque que se pretende dar a este traballo e didáctico e pedagóxico.

Metodoloxía.

A metodoloxía que utilizaremos, e partir sempre dos coñecementos previos que ten o alumnado para que todo aquelo que se vai ensinando teña un sentido e unha comprensión por parte do alumnado.

Coa aprendizaxe do baile tradicional o que fomentamos no alumnado é:

Coñecemento corporal.
Segmentación corporal.
Coordinación e control postural
Automatización de movementos.
Coordinación oculo-espacial.
Espacio auditivo.

Todo isto conseguirase a través dunha serie de pasos-estructuras ( un,dous, tres sen cruzar os pés, picados por diante e detrás, adiante-atrás……) que iremos traballando ao longo dos talleres.

O fin último é que o alumnado aprenda a crear os seus propios puntos e entenda o que está a facer co seu corpo.

Temos que partir da base que o baile tradicional galego é un baile que se baila en parella e en grupo polo tanto tamén se vai traballar o compañerismo, o respecto, a solidariedade, a convivencia… digamos que van ter que estar perfectamente compenetrados para poder facer os bailes e que uns dependen de outros para levalos a cabo.

Obxectivos a traballar

– Coñecer o seu propio corpo.

Escoitar o ritmo.
Afianzar e traballar o equilibrio, automatización de movementos, creatividade.
Traballar a lateralidade, equilibrio, control e coordinación corporal e oculo-espacial, espacio auditivo.
Aprender a manexar os movementos dos pes.
Comprender os movementos que se realizan.

– Coñecer e investigar sobre a cultura popular galega