O sábado, día 31, ás 12.00 horas, terá lugar no Teatro Principal unha charla sobre o libro ‘HISTORIA DO TEATRO PRINCIPAL DA ESTRADA’ , autoría de Pedro Pérez.
No coloquio intervirá, ademais do autor, o locutor Fran Campos, de Radio Estrada. Durante o acto, o público poderá tomar a palabra para dirixir as súas preguntas ao autor, quen asinará exemplares do libro ao remate do acto.
A charla estará amenizada con fotos e proxeccións dos 75 anos de historia deste local cultural. A entrada será libre e gratuíta ata completar as 50 butacas dispoñibles para o evento.
