Onte foi presentada polo rexedor, Xosé López e o director executivo da empresa eLABORO, Jesús Velasco, unha nova aplicación que xa está dispoñible para baixar de Google Play para móbiles smartphones con sistema Android. O programa é totalmente gratuíto e a finais de ano espérase que estea tamén dispoñible para teléfonos iPhone.
A aplicación permite, previa instalación e rexistro, enviar incidencias ao concello que dende alcaldía derivaran aos respectivos departamentos. Ao realizar a denuncia pódese agregar unha foto da anomalía ou infracción e a situación GPS da mesma.
O usuario de city 4aestrada, nome que recibe a aplicación, pode seguir o desenvolvemento da mesma, sendo informado de cando está solucionada. O concello disporá dun mapa con puntos vermellos onde se atopen as incidencias e que se volverán verdes unha vez reparadas. Desta forma ao final de ano poderá dispor dunha estatística de todas as incidencias.
A través do móbil o cidadán poderá realizar tamén realizar suxerencias ao concello. O servizo estará dispoñible os 365 días do ano e as 24 horas do día.
Gravación: Adrián Eiras
Redacción e fotografía: Iria Eiras
