O alcalde da Estrada, Gonzalo Louzao, e directivos do CD Estradense presentaron esta mañá a campaña que a sociedade deportiva abre dende hoxe mesmo para engalanar os balcóns da Estrada en apoio ao equipo, que abre esta fin de semana a fase de ascenso a Segunda RFEF.
A campaña conta coa colaboración da ACOE e Hostaleiros da Estrada.
Haberá concurso de balcóns, escaparates comerciais e locais da hostalería.
Como participar? É preciso facer unha foto e subila ás redes, etiquetando ao CD Estradense, ACOE e Hostaleiros da Estrada.
PREMIOS:
Para os DOUS mellores BALCÓNS: unha tarxeta de 150 euros para cada para consumir na hostalería local.
Para os DOUS mellores ESCAPARTES: unha estancia en casa rural, en réxime de media pensión, para dúas persoas (un premio para cada hostaleiro).
Para os DOUS LOCAIS de hostalería mellor decorados: un lote de produtos Noriberica para un e unha tarxeta da ACOE de 150 euros para consumir na súa rede de establecementos, para outro.
Os farois da vila estará tamén engalanados e venderanse bandeirolas para todos os interesados en Arco da Vella e Agasallos. Terán un custe de 15 euros.
A firma Coste Cero ten a disposición material decorativo do Estradense.
As entradas para fase de acenso serán a 12€ para adultos e a 6€ para asistentes de entre 16 e 23 anos. Os asistentes ás escolas de fútbol acudirán gratis ao partido de volta se van vestidos coa equipación. Os socios pagarán 6€ nestes encontros.
Haberá autobuses gratuítos. Pódense retirar os billetes (en cantidades limitadas) nas oficinas de Helvetia.
