O concelleiro de Novas Tecnoloxías, Manuel
Magariños, desprazouse esta mañá ata a Sala Abanca para comprobar como está
funcionando na vila a experiencia itinerante do Instituto Nacional de Ciberseguridade de
España (INCIBE), unha entidade dependente do Ministerio para a Transformación Dixital
e de Función Pública
Xa foron moitos os estradenses, sobre todo estudantes, que se achegaron ata as
instalacións . É este un espazo que viaxa por toda España e no que a cidadanía no seu
conxunto e as empresas poden profundar, dun xeito lúdico, na importancia das boas
prácticas na rede.
O que se busca é facilitar unha completa concienciación en materia de ciberseguridade,
xa que INCIBE persegue elevar os niveis necesarios de cultura nesta materia para que
calquera usuario poida desenvolverse con confianza e seguridade na era dixital.
