O Concello da Estrada vén de dar a coñecer a imaxe que acompañará o Ano Cultural Virxinia Pereira 2026, unha homenaxe a unha muller clave do galeguismo e da nosa historia.
A ilustración, obra de Rosa de Cabanas, inspírase nunha fotografía de 1939 e está chea de simbolismo, retratando unha Virxinia madura, consciente e comprometida, moito máis alá do seu papel como dona de Castelao.
A concelleira de Cultura, Lucía Seoane, e a propia ilustradora compareceron hoxe para presentar a imaxe que se colocará nas lonas do Teatro Principal e que chegará a outros elementos ao longo deste ano.
Rosa de Cabanas recoñeceu que esta non é a primeira vez que se achega á imaxe de Virxinia Pareira e que buscou que nesta obra quedase simbolicamente retratada como protectora dun legado material e inmaterial, simbolizados no libro e na flor que ás que se aferra.
Virxinia Pereira Renda defendeu os valores galeguistas ata o final dos seus días e grazas a ela conservamos hoxe o legado de Castelao.
Ao longo de 2026 desenvolverase unha ampla programación cultural arredor da súa figura.
